میانوالی ضلع میانوالی میں 26 اکتوبر سے 30 اکتوبر 2020ء کی پولیو مہم کے دوران ضلع بھر میں پا نچ سال تک عمر کے271660بچوں کو پو لیو سے بچاؤکے حفاظتی قطرے پلوائے جائیں گے ۔ محکمہ ہیلتھ حکومت پنجاب نے ضلع میں دور افتادہ پہاڑی علا قوں اور ورک لوڈ کے پیش نظر موبائل پولیو ٹیموں، یوسی ایم اوز اور سپر وائزر ز کی تعداد میں اضافہ کی منظوری دے دی ہے۔جس کے مطابق پو لیو ٹیمیں تشکیل دی گئی ہیں۔ضلع میں اب مجموعی طور پر979ٹیمیں جن میں 767موبائل،75فکسڈ اور37ٹرانزٹ ٹیمیں شامل ہیں۔اس مہم میں حصہ لیں گی جبکہ ضلع بھر میں پو لیو ٹیموں کی سپر ویژن و مانیٹر نگ کیلئے64یو سی ایم اوز اور170سپروائزر ز متعین کر دیئے گئے ہیں۔فیلڈ ٹیموں کی مرحلہ وار تربیت بھی شروع کر دی گئی ہے۔یہ بات سی ای او ہیلتھ ڈاکٹر پرویز اقبال اور ڈسٹرکٹ ہیلتھ آفیسر ڈاکٹر میاں کا شف علی نے ڈی سی آفس کمیٹی روم میں ڈپٹی کمشنر عمر شیر چٹھہ کی زیر صدارت منعقدہ ضلعی انسدادِ پو لیو کمیٹی کے اجلاس میں بریفنگ دیتے ہو ئے بتائی۔انہوں نے بتایا کہ پو لیو مہم کے دوران ڈسٹرکٹ ہیڈ کوارٹر و تحصیل ہیڈ کوارٹر ز ہسپتالوں اور دیہی مراکز صحت میں شام اور رات میں بھی پو لیو سے بچا ؤ کے قطرے پلوانے کیلئے خصوصی فکسڈ ٹیمیں متعین کر دی گئی ہیں۔انہوں نے بتا یا کہ ڈپٹی کمشنر کی ہدایت پر ریفیو زل اور این اے کیسز کی سو فیصد کو ریج کو یقینی بنوائیں گے۔انہوں نے مزیدکہا کہ اس سلسلہ میں تما م انتظامات مکمل کئے جار ہے ہیں اور22اکتوبر کو ضلعی انسدادِ پو لیو کمیٹی کے اجلاس میں انتظامات کا مکمل جائز ہ لیا جا ئے گا۔ڈپٹی کمشنر عمر شیر چٹھہ نے کہا کہ پولیو صرف ایک مہم نہیں ہے بلکہ مو جودہ اور آنیوالی نسلوں کو معذوری سے بچا نے کی جنگ ہے جسے قومی فریضہ سمجھتے ہو ئے جیتنا ہے اور پو لیو کے خاتمہ کو یقینی بنا نا ہے۔انہوں نے محکمہ صحت کے افسران اور جملہ ہسپتالوں کے ایم ایس و میڈیکل آفیسرز کو ہدایت کی کہ وہ عزم اور حوصلہ کے ساتھ پولیو سے بچا ؤ کے قطرے پلوا نے کی مہم کو سو فیصد کامیا ب بنائیں اور تما م تر توانائیاں بر ؤئے کار لائیں۔انہوں نے مزید کہا کہ ہر مہم کے دوران آپ کا ایک ہی ٹارگٹ ہے جو کہ ضلع میانوالی میں پانچ سال تک عمر کا کوئی بچہ پولیو سے بچاؤ کے حفاظتی قطرے پینے سے محروم نہ رہے۔انہوں نے پولیو مہم کے دوران شکر درہ چیک پوسٹ پر بھی ٹرانزٹ ٹیم متعین کر نے کی ہدایت کی۔اجلاس میں گزشتہ ما ہ کی پو لیو مہم کی پرا گریس رپورٹ کا بھی تفصیلی جائز ہ لیا گیا۔سی ای اوہیلتھ نے بتا یا کہ گزشتہ ما ہ پو لیو مہم میں 102فیصد کوریج کی گئی۔انہوں نے مزید بتایا کہ گزشتہ پولیو مہم کے دوران غفلت کا مظا ہر ہ کر نیوالے پو لیو اہلکاروں کے خلاف انضبا طی کا روائی بھی عمل لا ئی جا چکی ہے۔ڈپٹی کمشنر نے ہدایت کی کہ جو اہلکار یا افسرغفلت اور لا پرواہی کا مظا ہرہ کر ے اس کے خلاف بلا تفریق کاروائی عمل میں لائیں۔
میانوالی سوشل میڈیاٹیم ملک ثمرعباس
https://sammar12.blogspot.com
#blogger #blogging #famousblogger #top10blogger
#Pakistaniblogger #Urdublogger #bestcontent
#punjab
#mianwalians #Famous
www.mianwali.com.pk
#میانوالی_ہوم_ٹاؤن
#ملک_ثمر_عباس
#MalikSammarAbbas
#MianwaliHomeTown
#MianwaliCity
#MianwaliNews
#MianwaliUpdate
#Mianwali
#MianwaliSocialMedia
#SocialMediaactivist
#Website #YouTuber
#trending2020
تبصرے
ایک تبصرہ شائع کریں