زندگی ہاتھ باندھے تمھارے سامنے کھڑی ہے بھوک جیت جاتی ہے

زندگی ۔۔۔۔ ہاتھ باندھے ۔۔۔ تمھارے سامنے کھڑی ہے۔۔۔

ہجر۔۔۔۔ ہاتھ جوڑے ۔۔۔۔ اپنی کوتاہیوں کا اعتراف کرتا ہوا ۔۔۔ تمھارے مقابل ۔۔۔شرمندہ کھڑا ہے ۔۔۔۔

میں مر نہیں سکا ۔۔۔۔

عشق ۔۔۔جی نہیں سکا ۔۔۔۔

تم سسی ۔۔۔۔سوہنی۔۔۔۔ہیر ۔۔۔شیریں کے قصوں کو زندگی بخشتی ہوئی ۔۔۔۔ریگزارِ عمر کے اُس دَوراہے سے لوٹنے کی تمنّائی ہو ۔۔۔۔جہاں سے اٹھنے والی ڈولیوں میں ۔۔۔دلہنوں کے ۔۔۔۔خوابوں کی بجائے ۔۔۔۔دلہنوں کے ارمان اٹھائے جاتے ہیں ۔۔۔۔

جسموں کا ہار ماننا ضروری نہیں ۔۔۔۔

فلسفہ جھوٹ ہے ۔۔۔

بھوک جیت جاتی ہے ۔۔۔

رحم ۔۔۔قابلِ رحم نظر آتا ہے ۔۔۔۔

شعر ۔۔۔داد۔۔۔تحسین۔۔۔۔۔غزل ۔۔۔ترنم۔۔۔

سوز۔۔۔۔

کتنے آبلے پھُوٹے۔۔۔

کتنے صحراؤں میں پا برہنہ سفر کیے ۔۔۔۔

پیچھا کیا۔۔۔

تم نے لَوٹنے کے ارادے نہ کیے ۔۔۔

فیصلے نہ بدلے۔۔۔

حسن ۔۔۔اور ۔۔جمال متاثر ہی نہیں کر پاتا ۔۔۔۔

کیفیت ہی نہیں بدلتی۔۔۔۔

آنکھیں سیر ہی نہیں ہوتیں ۔۔۔۔

میعار کی تو بات ہی الگ ۔۔۔۔۔

یہاں تو پل پل ۔۔۔بدلتے جواں سال جذبات ۔۔۔کی ٹھنڈک سے ۔۔۔جلن محسوس ہوتی ہے ۔۔۔۔

حلق پھاڑ کر چیخنا چاہوں ۔۔۔۔

آواز ۔۔۔برآمد ہی نہ ہو ۔۔۔

تمھیں پکارنا چاہوں

۔۔۔

لفظ ہی نہ ملیں۔۔۔

تمھارا نام بھول جائے ۔۔۔

۔تم سامنے آؤ ۔۔۔۔۔۔تمھاری شکل ہی نہ پہچانی جائے ۔۔۔۔

"ہجر دُہرایا نہیں جا سکتا"

کیوں ؟؟؟؟؟؟

تم جیسا ۔۔۔۔کاربن کاپی ۔۔۔۔

ہوبہو ۔۔۔۔ پہلے زخم کے ۔۔۔مٹتے نشان کے ۔۔عین اوپر نیا زخم۔۔۔۔

کاش ۔۔۔

سو کے اٹھوں۔۔۔۔تو آئنے میں ۔۔۔نئی شکل دیکھوں (تم دکھائی نہ دو)....یہی ۔۔

کمرے کا پینٹ بدل چکا ہو ۔۔۔

فرنیچر۔۔۔۔ کتابوں کے ریک ۔۔۔۔ ایل ای ڈی ۔۔۔سب کلر سکیم چینج۔۔

باہر ۔۔آؤں ۔۔۔ علاقہ ۔۔۔بلکہ برِاعظم بھی تبدیل۔۔۔۔

میں کہوں ۔۔۔ "میں کہاں ہوں"...لوگ کہیں۔۔۔

"شنگ پُنگ لونگ یچ"

گھر سے باہر لوگ رکشے کے بجائے ۔۔۔۔شتر مرغ پہ سفر کر رہے ہوں۔۔۔

۔۔۔

بسوں کی بجائے ۔۔۔ ریڑھیوں میں ڈائنو سار ۔۔۔

کپڑوں کی بجائے ۔۔۔ مور پنکھ جسم پہ بندھے ہوں ۔۔۔

2018

کی بجائے ۔۔۔کوئی اور صدی ہو ۔۔۔

ہندسے بھی نہ پڑھے جائیں۔۔۔سب کچھ بدل چکا ہو ۔۔۔۔

آنکھوں سے اشکوں کی بجائے راکھ گرے ۔۔۔۔

قدیم آنکھ سے اشکوں کی راکھ جھڑتی تھی

بشر شروع میں صحرا نَورد ہوتا تھا

یہ شعر کہتا تھا اور لوگ داد دیتے تھے

یہ دل سخن کے قبیلے کا فرد ہوتا تھا

وہ دور بیت گیا ۔۔۔جب ۔۔۔کہ درد سازی میں

ہر ایک شہر میں ۔۔۔شاکر۔۔۔سا مرد ہوتا تھا۔۔۔

تحریر : شاکر خان بلَچ (میانوالی)

میانوالی سوشل میڈیاٹیم ملک ثمرعباس https://sammar12.blogspot.com #blogger #blogging #famousblogger #top10blogger #Pakistaniblogger #Urdublogger #bestcontent ‎ #punjab ‎ ‎#mianwalians ‎#Famous www.mianwali.com.pk #میانوالی_ہوم_ٹاؤن #ملک_ثمر_عباس #MalikSammarAbbas #MianwaliHomeTown #MianwaliCity #MianwaliNews #MianwaliUpdate #Mianwali #MianwaliSocialMedia #SocialMediaactivist #Website #YouTuber #trending2020