میانوالی میں عید الفطر کے دوران ٹرانسپورٹ

ضلع میانوالی میں عید الفطر کے دوران ٹرانسپورٹ لا ک ڈاؤن کے حکو متی اقدامات پر عملدرآمد کیلئے خصوصی موبائل چیکنگ اسکواڈ تشکیل دے دئیے گئے۔کنٹرول روم اورعوامی شکایات کے ازالہ کیلئے کمپلینٹ سیل بھی قائم کر دیئے گئے۔ایڈیشنل ڈپٹی کمشنر جنرل/سیکرٹری ڈسٹرکٹ ریجنل ٹرانسپورٹ اتھارٹی اعجاز جوئیہ نے اس حوالہ سے با قاعدہ نو ٹیفکیشن جاری کر دیا۔تفصیلا ت کے مطابق ڈی آر ٹی اے آفس میں قائم کر دہ کنٹرول روم میں سپرٹینڈنٹ عبدالطیف قریشی، اسسٹنٹ حافظ اما ن اللہ اور سٹینو گرافر ظفر اقبال کو متعین کیا گیا ہے جبکہ جنر ل بس اسٹینڈ میانوالی پر قائم کر دہ کمپلینٹ سیل میں اڈا انسپکٹر امیر احمد خان، انسپکٹر اسامہ گل اور نائب قاصد عبدالغفار کی ڈیو ٹیاں لگائی گئی ہیں۔ضلع میانوالی کے تما م سی او ر ڈی کلاس سٹینڈز کی انسپکشن کیلئے ایم وین ای ریحان ادریس (بمعہ سٹاف) موبائل جبکہ ٹرانسپورٹ سب انسپکٹر سجاد حسین کی سربراہی میں موبائل چیکنگ اسکواڈ نمبر02تشکیل دیا گیا ہے اور جملہ سٹاف ممبرز کو ان کے ساتھ متعین کیا گیا ہے۔موبائل چیکنگ اسکواڈ جملہ بس /ویگن اسٹینڈز پر کو رونا وائرس ایس او پیز پر عملدرآمد کو یقینی بنائیں گے اور خلاف ورزی پر بلا امتیاز سخت کا روائی بر ؤئے کارلا نے کے اختیارات تفویض کئے گئے ہیں۔مو بائل چیکنگ اسکواڈز اوور چارجنگ اور کرائے نا مے آویزاں نہ کر نے پر بھی کار وائی کر سکیں گے۔سیکرٹری ڈی آر ٹی اے نے کنٹرول روم اور کمپلینٹ سیل انچارج صاحبان کو ہدایت کی ہے کہ شکایات کے فوری ازالہ کیلئے با ہمی اشتراک سے موئثر اور فعال اقدامات بر ؤئے کار لا ئیں۔نو ٹیفکیشن میں جملہ افسران و اہلکاران ٹرانسپورٹ اتھارٹی کو ہدایت کی گئی ہے کہ دوران لا ک ڈاؤن ایا م کو ئی بھی ملا زم اسٹیشن نہ چھوڑے مزید براں چھٹیوں پر بھی پا بندی عائد کر دی گئی ہے۔